كل عام وانتم بخير (عيد سعيد)

إنما الأعياد حقاً

حين تأتي

وتشرقين

فيغدو الكون

قيثاراً

والأرض

واحة ياسمين

الافتتاحية

أنا لا قيـس       ولا روميــــو

ولا عاشـق       كأنطونيــــو

سـوى  بلـدي

إعتراف

قلبي  ده  مخلوق    عشان

يعشقِك    ويناجي    طيفِك

حتى  عيوني   دي   كمان

مخلوقه بس عشان تشوفِك

مادنة ومينا ودير

وبحبك ياحبيبتي

وبتمنى أخلّي الحب دا

بسمه

وجناح إلى المجهول

وبحبك ياحبيبتي

وبتمنى أخلّي الدنيا دي

نغمه

الحزن منها يزول

وبتمنى .. وبتمنى

 أكون

سيفِك إللي يفتح لِك

كل باب مقفول

______

وتبقي جوّا قلبي شراع

مادنه ومينا ودير

والكلمه دي مدفعي

لاجل ماتنبت خير

واشوف ولِدي مجدعي

بيضحي لاجل الغير

واشوف حبيبتي هناك

بتنفض الفقر عن توبها

وبالعِلم وحدُه والعقل وحدُه

 تكتب هي مكتوبها

_____

ويبقى الخير هنا زايد

ومالي كفوف

وولادنا تضمن الآتي

لا تخشى ظروف

وف إيد الكادح اللقمه

تبقى شئ مألوف

وتبقي يابلدنا مناره

للحقوق عاليه

______

شاعر

أنـــا أصــلاً شـــاعــر

لكــــن مغــمـــور

والشــعــر يــا صــاحبي

عــالــم مســـحور

مــش بــس أوزان

مــش بــس بحــور

الـشـعر إنــي أملـك

جناحـــات عصفــور

وأظــل أزقــــزق

من فـــوق الســور

ساعـــات فـرحان

وساعـــات مقهــور

وحبيبــتي بعيـــدة

تفصــلنـا بحــور

تحــدفنــي الموجة

أتشقـلـب .. أدور

عايــزة تخلّينـي

عبــد المأمــور

لكنــي با قــاوم

لكنــي بــا ثــور ____

ويــا مــصر إنــتي

الــنــار والنـــور

مــهــما حـبسـوكي

أو عـلـوا الســور

ميـن يــقـدر يمنع

الأرض تــــدور

لا حســــني مبـارك

ولا فتحــــي ســرور

كده م الآخر

إذا كنت عايز

تتمنجه

وتـكوّن قـــرش

عــليـك وعـلـى

الحزب ( الوطني )

ده  اءمن  عش

على شـرط تكون

كـده م الآخـــر

أستاذ ف الغش

وعلى شــرط تكون

كـالحرباية

ليك مليون وش

ومبرراتي وقراداتي

وحرامي بكـرش

وتكون حــاصـل

على  دكتووووراة

ف الـهـشّـك  بــش

في شرع مين

في شرع مين

القاضي يصبح متهم

والمتهم قاضي

في شرع مين

العدل ينسحل ع الأرض

ويصبح شئ من الماضي

في شرع مين

تزوروا وعايزين شهادة  حسن سير وسلوك

من القاضي

في شرع مين

الابن يصبح وريث

وصاحب التركة مش راضي

في شرع مين

حكم الحديد والنار

وع الأحرار

عمره ما كان قاضي

فى شرع مين

يا أبشع إستعمار

نهب ودنّس مصر

في الحاضر وفي الماضي

في شرع مين

العبّارة

بيقولــوا عبـّـارة

لكنـهــا عبــارة

عن حاجة غير ذلــك

وصاحبــها – بيقــولـوا

إنـه واد ســالــــك

فـــى الـشــورى

لـــــه كرســي

شـالله يا شيــخ مرسـي

وفــى الـحــزب

لــــه دكّــــــة

عـشــان كـــده قــارح

وعـــارف الــســكّــة

____

هابـش ومتــحصّـــن

فــاســد ومتــفرعــن

ســافــر علــى لنـدن

هتـقوللــي كيــف ذلـــك

مــاهــى ســكّة " الوطــني"

كلـــها مـســــالـــك

____ بيقــولــوا عبّــارة

حـلوه قــوي وفـاخـرة

تاخـدك مـــن الدنـيـا

دوغــري علــى الآخـرة

بخفـــة ونبــــاهــة

غـــواصــة عـصــرية

شــديــدة وعـفـيـــة

لكنـــهــا أبـــداً

ما تـقـب ع المــيّـــة

فــى الـقـاع مـرسـاها

علــى شــكـل جنيـــة

وبــكــل    حنــيــة

تـبـلع بـشــر يــاما

بالألــف   والمـــيّة

فـى فطــارها وغداها

_____ مذمــوم ومـش مـمدوح

ومن اللــه فــين هتروح

يا قـاتــل ألـف روح

فــى اللعـبــة إيــاها

تهــرب مــن التكـهين

وتضــحي بالــراكبين

وتلــهف   التأمــين

لعــبة يــا محــلاها

وآخـرة ما تتشيــطن

تزوغ علـــى لنــدن

وهنــاك هتتسـلطـن

علـى تـل بـلـواها

_____ هــلاك ملــوش آخـر

قطـارات علـى بواخـر

وفـوضى ومســـاخر

حكومـتنا عامــلاها